ABŞ-nin American Heart Association tərəfindən yayımlanan yeni elmi bəyanata görə, əksər sağlam böyüklər üçün gündə 400 milliqrama qədər kofein (təxminən 3–5 fincan qəhvə) qəbul etmək ürək sağlamlığı üçün təhlükəsiz hesab olunur. Araşdırmada bildirilib ki, orta miqdarda qəhvə istehlakı bəzi insanlarda ürək-damar xəstəlikləri, insult və ürək çatışmazlığı riskinin azalması ilə də əlaqəli ola bilər.
Sosialmedia.az xarici mediaya istinadən bildirir ki, bu nəticələr əsasən şəkərsiz və əlavəsiz qəhvəyə aiddir. Eyni zamanda, yüksək kofein tərkibli enerji içkiləri ürək ritminin pozulması və arterial təzyiqin yüksəlməsi riskini artıra bilər. Buna görə də enerji içkilərinin qəhvə ilə eyni təsirə malik olduğu düşünülməməlidir.
AHA qeyd edir ki, kofeinə qarşı həssaslıq hər insanda fərqlidir. Hamilə qadınlar, ürək ritm pozğunluğu olan şəxslər və bəzi xroniki xəstələr kofein qəbulunu həkimlə məsləhətləşərək tənzimləməlidirlər.
193 views