Sosialmedia.az xəbər verir ki , DPA-nın istinad etdiyi sənəd layihəsində Almaniyanın Sosial Demokratları “Rusiya təcavüzünə qarşı mübarizədə ukraynalılara lazım olan müddətdə diplomatik, hərbi, maliyyə və humanitar dəstək verəcəklərini” vəd edir.
Proqram layihəsində deyilir: “Ukrayna Rusiya ilə bərabər şərtlərlə danışıqlar apara bilməlidir… Biz Rusiyanın Ukrayna hesabına diktə etdiyi sülhü qəbul etməyəcəyik”.
SPD həmçinin Ukraynaya “ehtiyatlılıq və təvazökarlıqla” hərbi yardım göstərilməsinin tərəfdarıdır ki, bu da nə Almaniyanın, nə də NATO-nun müharibənin tərəfi olmamasını təmin edir.
“Buna görə də biz kansler Olaf Şolzun Bundesver ehtiyatlarından “Taurus” qanadlı raketlərini tədarük etməmək qərarını dəstəkləyirik”, – proqramda deyilir.
Bundan əlavə, DPA qeyd edir ki, SPD-nin seçki platforması Ukraynanın NATO-ya üzvlüyü, “atəşkəs” olacağı təqdirdə sülhməramlı qüvvələr və ya Ukrayna üçün digər təhlükəsizlik təminatları ilə bağlı davam edən müzakirələrə toxunmur.
135 views