Sumqayıtda “Bəli….. Biz Vərəmə son qoya bilərik!” Ümumdünya Vərəmlə Mübarizə günü qeyd edildi.
Sosialmedia. az xəbər verir ki, hər il dünyada 24 Mart Vərəmlə mübarizə günü qeyd edilir.
2011-ci ildən ənənəvi olaraq, Azərbaycan Vərəmlə Mübarizə QHT Koalisiyası (AzVMQK) bu günə həsr edilən tədbirləri həyata keçirir. Belə ki, aprel ayının 1-də Azərbaycan Vərəm Əleyhinə Qeyri-Hökumət Təşkilatları Koalisiyası üzvləri olan “Əlilliyi olan şəxslərin sosial müdafiəsinə və inteqrasiyasına dəstək” İctimai Birliyinin sədri Səbinə Kərimova, “Eşitmə və nitq məhdudiyyətli şəxslərə sosial yardım ” İctimai birliyinin sədri Cəmilə Abdulova, Azərbaycan Respublikasının Qızıl Aypara Cəçmiyyətinin nümayəndəsi Mətanət Qaraxanova ilə birgə “Bəli….. Biz Vərəmə son qoya bilərik!” şüarı altında maarifləndirici seminar təşkil etdilər.
AzQAC sağlamlıq proqramının mütəxəssisi Mətanət Qaraxanova seminar iştirakçılarına Ümumdünya Səhiyyə Təşkilatının 2030-cu ilə qədər Vərəmə son Strategiyaya əsasən vərəmlə mübarizədə tövsiyyələrini qeyd etdi. Bununla yanaşı ÜST dünyada Vərəmlə mübarizə üzrə həyata keçirilən tədbirlər sayəsində nailiyyətləri: 2000-ci ildən bəri 79 mln. insanın həyatının xilas edilməsi), yeni diaqnostik testlərin mövcud olmasını və gələcəkdə nəzərdə tutulan öhtəliklər barədə məlumatlarını seminar iştirakçılarına təqdim etdi.
ÜST-n Vərəmlə mübarizədə keyfiyyətli səhiyyə xidmətlərin olması, sərmayənin ayrılması və mültisektoral əməkdaşlığın əhəmiyyətli olduğu kimi mesajlarını səsləndirdi. Seminar iştirakçılarına Vərəm xəstəliyinin yaranma səbəbləri və əlamətləri, yayılması və müalicə proqramları barədə məlumatlar çatdırıldı. Sonda iştirakçıları narahat edən suallar təşkilatçılar tərəfindən cavablandırıldı.
