Sosialmedia.az xəbər verir ki, dünən vəfat edən Roma Papası Fransisklə vida mərasimi keçirilir.
Mərasim Papanın Vatikandakı iqamətgahında təşkil edilib.
Hələ ki Papa Fransisklə vida mərasimində Vatikan əməkdaşları, onun köməkçiləri və ona xidmət edən personal iştirak edir.
Sabah isə pontifikin tabutu ictimai vida mərasimi üçün Müqəddəs Pyotr bazilikasına aparılacaq. Sözügedən mərasim isə üç gün davam edəcək.
Qeyd edək ki, Papanın dəfn tarixini kardinallar təyin edəcək. İlkin ehtimala görə, pontifik aprelin 26-da dəfn olunacaq.