Sosialmedia.az xəbər verir ki, Ukrayna hökuməti yenidənqurma fondunun yaradılması ilə bağlı ABŞ-la sazişin imzalanması üçün zəruri olan qərarları təsdiqləyib.
Baş nazir Denis Şmıxal sazişin əsas prinsiplərini açıqladı:
Fond 50/50 prinsipi əsasında yaradılacaq, hər iki tərəf bərabər səs hüququna malikdir;
Ukrayna öz mineral ehtiyatları, infrastrukturu və təbii sərvətləri üzərində tam nəzarəti özündə saxlayır;
Müqaviləyə heç bir borc öhdəlikləri daxil deyil;
Fond layihələrə investisiya yatıracaq və “al və ya ödə” prinsipi ilə kommersiya məhsullarının alınmasını təmin edəcək;
Saziş Ukraynanın Aİ-yə üzvlük yoluna mane olmayacaq;
Fond həm Vaşinqton, həm də Kiyevin töhfələri hesabına maliyyələşdiriləcək və bütün gəlirlər yalnız Ukraynaya yenidən investisiya ediləcək.