Xəbər verdiyimiz kimi, Sumqayıtda insanların mədəni istirahəti üçün nəzərdə tutulmuş parklardan birini parkinqə çeviriblər.
Nəsimi adına Mədəniyyət və İstirahət parkının Şəhidlər xiyabanı ilə Göyərçin abidəsi arasındakı hissəsində, səkinin üzərində avtomobillər parklanır. Bununla da onlar piyadaların hərəkətinə mane olurlar.
Sosialmedia.az-a daxil olan məlumata görə, qeyd olunan parkda qanunsuz parklanma edən iki “Mercedes” markalı avtomobilin sürücüsü Sumqayıt Şəhər Polis İdarəsinin Dövlət Yol Polisi Şöbəsinin əməkdaşları tərəfindən aşkarlanıb.
Sürücülər barəsində İnzibati Xətalar Məcəlləsinin dayanma və ya durma qaydalarının pozulması maddəsi ilə protokol tərtib olunub, profilaktik söhbətlər aparılıb.
Həmin ərazidə parklanma qaydalarına riayət olunmasının təşviqi məqsədilə nəzarət-profilaktik tədbirlər daha da gücləndirilib.