Bu ilin yanvar-sentyabr aylarında Azərbaycanda pensiya, müavinət, təqaüd və ünvanlı dövlət sosial yardımı üzrə əhaliyə 7 milyard 871 milyon manat vəsait ödənilib. Bu, ötən ilin eyni dövrü ilə müqayisədə 697 milyon manat və ya 10 faiz çoxdur.
Sosialmedia.az xəbər verir ki, bu barədə Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Sosial Müdafiə Fondu məlumat yayıb.
Bildirilib ki, 2026-cı ilin ilk 9 ayı ərzində sosial ödənişlər üzrə vəsaitlər aşağıdakı kimi bölünüb:
- Pensiyalar üzrə: 5 milyard 874 milyon manat;
- Müavinətlər üzrə: 1 milyard 83 milyon manat;
- Təqaüdlər üzrə: 609 milyon manat;
- Ünvanlı dövlət sosial yardımı üzrə: 305 milyon manat.
Beləliklə, hesabat dövründə sosial təminat istiqamətində həyata keçirilən ödənişlərin ümumi məbləği ötən ilin müvafiq dövrü ilə müqayisədə 10 faiz artıb.
Qeyd edək ki, sosial ödənişlərin artması əhalinin sosial müdafiəsinin təmin olunması istiqamətində həyata keçirilən tədbirlərin maliyyə göstəricilərində əks olunur.
43 views